गुरू उपदेश

नामधारका तू विसरू नकोस....

"नामधारका "

रोज थोडे तरी नामस्मरण
केल्यावाचून राहू नकोस,
सद्गुरूनाथ पहातायेत तुला
गुरूदक्षिणा ( नामस्मरण) मात्र विसरु नकोस....

तुझ्या वाटेत आडवे खूप येतील...
पायात पाय घालून पाडतिल....
त्यांना घाबरून तुझं
उभे राहणं सोडू नकोस..
सद्गुरू पहातायेत तुला गुरूदक्षिणा ( नामस्मरण) मात्र विसरू नकोस

तुझं कौतुक प्रत्येकाला इथं
रुचेलच असं नाही...
कौतुकासाठी तुझं नाव
सुचेलच असं नाही...
तू मात्र इतरांचं कौतुक
करण्यास  कचरु नकोस... सद्गुरु पाहातायेत तुला
गुरूदक्षिणा  ( नामस्मरण) मात्र विसरू   नकोस

तुला सुद्धा मन आहे
हे माहीत आहे मला.....
पण ब्रह्मांडाचा स्वामी असताना काय रे कमी तुला....
इतरांना भरभरून देणं मात्र
कधी सोडू नकोस ...    सद्गुरू पाहातायेत तुला गुरूदक्षिणा ( नामस्मरण) मात्र विसरू नकोस

रडावंसं वाटत तेव्हा
रडून मोकळा हो...
कार्यासाठी लढावंसं वाटत तेव्हा,
लढून मोकळा हो....
रडण्यामध्ये मात्र तुझे
कार्य विसरू नकोस      सद्गुरू पाहातायेत तुला
गुरूदक्षिणा  ( नामस्मरण) मात्र     विसरू नकोस

तुझ्या कार्याचे कोणाला पुरावे
द्यायची गरज नाही...
कुणासाठी तुला कार्य
सोडायची गरज नाही....
सद्गुरू संकल्पासाठी पुढे
चालणं तू सोडू नकोस..
सद्गुरू पाहातायेत तुला
गुरूदक्षिणा ( नामस्मरण) मात्र विसरू नकोस