ही हकीकत सत्य घटना आहे साधारण 4 महिन्यापूर्वीची व घाबरवून टाकणारी आहे.
रात्रीची वेळ व चिडीचूप शांतता होती.
आम्ही बेडरूम मध्ये झोपलो होतो व अचानक साप पुत्कारतो तसा आवाज यायला लागला,
पुत्कार जणू कोणी मोठयाने उश्वास सोडतोय
2 दिवसापूर्वीच आमच्याच बिल्डिंग मध्ये 3 ऱ्या मजल्यावर गच्चीत साप निघाला होता आम्ही तर पहिल्या मजल्यावर
बाप रे .....
मी धीर एकवटून बाहेर आलो कोठून आवाज येतो हे बघायला तर किचन च्या खिडकीच्या बाहेरून आवाज येतो असे वाटले.
मी बॅटरी घेऊन त्या दिशेने गेलो तर पुन्हा पुत्कार आवाज आला .
मी घाबरून मागे वळलो व कविताला जागे केले
किचन खिडकीत पण बिल्डिंग खाली जाऊन बघतो असे सांगून मी खाली आलो .
पण खालून बघितले खिडकीत चिटपाखरुही नव्हते
पुन्हा वर आलो व कानोसा घेतल्यावर असे जाणवले कि आवाज किचन मध्येच येतोय .
तोपर्यंत 5 वाजले
आम्ही 1 तास जीव मुठीत धरून तर्क लावत बसलो
6 वाजल्यावर तळ मजल्यावरील काकांना सर्व प्रकार सांगितला व त्याच्या ओळखीच्या सर्पमित्राला त्यांनी बोलावून घेतले.
ते आले व पुत्कार ऐकून तेही हादरले ,
त्यांच्या अनुभवानुसार असा आवाज फक्त सर्वात विषारी घोणस करतो .
त्यांनी पूर्ण स्वयंपाक घर शोधले पण कोणीच नाही
आवाज मात्र मध्येच यायचाच,
its horrible
त्यांनी शेवटी फ्रिज बंद केला व फ्रिज उघडून सरकवून बघितला कोणीच नाही पण आवाज बंद झाला .
त्यांचा निष्कर्ष फ्रिज गॅस लीक होतोय व त्याचा आवाज होता चांगल्या रिपेरमन बोलवून फ्रिज दाखवून घ्या .
संध्याकाळी फ्रिज माणसाला बोलावून सर्व फ्रिज चेक केला त्याने सांगितले गॅस लीक वगैरे काहीच नाही पण त्या 7 तासात काही वेळाने पुत्कार ऐकू येतच होते पण प्रमाण कमी झाले होते.
फ्रिज आवरून नीट ठेवला पुत्कार बंद झाले आम्ही सुटकेचा निश्वास सोडला .
आजचा खेळ उद्या पुन्हा
दुसरा दिवस पहाटे पुनः साडेतीन च्या आसपास पुत्कार चालू झालें,
पुनः त्या सर्पमित्राला बोलवले ,
पुन्हा शोधाशोध पुन्हा सर्व किचन ढुंढाळने
काहीच नाही .
आवाज कोणता? खूप उत्सुकता .
फ्रिज च्या तिथून आवाज पण फ्रिज मध्ये काहीच नाही
फ्रिजच्या वरील सर्व सामान जमिनीवर खाली ठेवले व पुत्कार रोख आता जास्त जोरात पण जमिनीवरून
"अरे चोरा या सामानात आहेस काय?"
सामान कमीच त्यात औषधे व पिगिबँक व मुलाची 4 खेळणी ,
पुनः पुत्कार ऐकू आला व एकदाचा साक्षात्कार झाला .
आवाज करणारा साप नव्हता तर मुलाची रिमोट कार होती .
रिमोट व कार दोन्हीची बटन्स ऑन होती व काही ठरविक वेळाने कारला डीफेक्टिव्ह रिमोटमधून आपोआप सिग्नल जायचा व कार तिथल्या तिथे सरकायची .
फ्रिज च्या प्लास्टिक टॉप वर कार सरकल्याचा आवाज पुत्कार आल्यासारखा यायचा .
खोदा पहाड निकला चुहा
पण 2 रात्रीचा एकदम थरकाप उडवणारा अनुभव
अनुभवातून आलेले शहाणपण
खिडक्या उघड्या ठेवू नयेत
सेल ची खेळणी खेळून झाल्यावर बटन ऑफ करून ठेवायची .
मुख्य म्हणजे घाबरून न जाता मुख्य कारण शोधून काढणे आवश्यक
-- निलेश जोशी