बेल्सचे ओझे घेऊन खांद्यावर
कायम उभे आम्ही रहायचे
बॉलचा मारा आम्ही झेलायचा
आणि अंतिम निर्णय मात्र
त्या झोपलेल्या बेल्स पडल्या
तरच होणार , अन्याय आहे हा
प्रत्येक फलंदाज कोण आहे
हे बघून व्यूहरचना करून
कमजोरी बघून बॉलिंग करायची
त्यात फिल्डिंग बघा,
कॅप्टनचे मूड सांभाळा,
कहर म्हणजे मोजकीच अस्त्रे
पाजळून बॉलिंग करा
तरी गोलंदाजी कमजोरच
हे नेहमीच ऐकून घ्या
अन्याय आहे हा
डिफेन्स आम्ही करायचा
प्रत्येक येणाऱ्या चेंडूचा
मन लावून सामना करायचा
रन्स किती हवेत हे आठवून
प्रत्येक कमजोर चेंडू हेरायचा,
इकडे तिकडे फिल्डिंग बघत
ग्राऊंडचा पुरेपूर अंदाज घेत
रिस्क घेऊन बॉलला टोलवायचे
तरी आम्हाला आऊट देणारा
अंपायरच खरा,अन्याय आहे हा
पॉवरप्ले मध्ये सर्कलच्या आत
इकडे पळ तिकडे जा
बॉल येतोय मार उडी
झेल आला पकडायलाच हवा
थुंकलेल्या ग्राऊंडवरून
सरपटत येणारा बॉल
अंगाला लेपून चिखल,थुंकी
हातात घ्या आणि करा थ्रो
आणि एवढेहीे करून सुद्धा
पोचलाच नाही पिचकडे तर
फिल्डिंग कोच नवीन प्रकार
माथी आहेच,अन्याय आहे हा
करोडो लाखोच्या बोली
प्रत्येक मॅचला हिरोझम
जाहिराती फ्रॅंचायजी यांना
तरी स्वतः कामधंदा सोडून
सहस्त्र खर्चून तिकीट काढून
सुट्टी नाणी बलिदान करून
आलोय स्टेडियम वर
दर्शनाला अनेक हिरोंच्या
एवढे करूनही शेवटी
स्टेडिअमवरील स्क्रीनवरच
त्यांना पाहून धन्यता मानून
300 रु चे पाणी वेफर खाऊन
थकून जातोय घरी परतून
मित्रांनो अन्याय आहे हा
शेवटी खरा अन्याय इथेचआहे
-- निलेश जोशी
