रेडिओ कविता

कवी माहीत नाही पण माझ्या आईला मंगला जोशी हिला तोंडपाठ होते ,तिने हे गाणे म्हटले व मी लिहून काढले ,

सुंदर वाक्य रचना व शब्द रचना

रेडिओची कविता

कोण ग आई बोलतो कोण हा आई

इथे टेबलावरती मोठी
जनुदादूची गमते पेटी
कोण लपला हिचिया पोटी
नवलच नाही ?

मध्येच करतो भाषण हसुनी
कधी गातसे सुंदर गाणी
कोण करी हे कोठे बसुनी
नवलच नाही ?

केव्हा हसतो केव्हा रडतो
आढेवेढे कितीतरी घेतो
कधी गोड गाणी ऐकवतो
नवलच नाही?