शर्यत

जगाची ही ससा कासव शर्यत
जो कोण पुढे जाईल तो हुशार
पालकांच्या अपेक्षांचे ओझे डोईवर
टक्के श्रेणी यांतच बालपण विझणार

हे वय नविन शिकण्याचे जगण्याचे
तेथे अभ्यास म्हणजेच ठरतोय रट्टा
ही शर्यत ठरतेय मुलांसाठी धोका
निरागस वयात देई तणावाचा ठोका

जेव्हा झाली वयाची 3 वर्षे पूर्ण
नर्सरीत मुलाला पालक देती प्रवेश
घरी दंगा त्रास धूड़गुस घालण्यापेक्षा
4 तास घ्यावा मुलाने अभ्यासाचा आवेश

खरे बालपण आपले अनुभवुन झाले
बालकांनी मात्र आता मच्युअर व्हायचे
कला क्रीड़ा यात काय ठेवलय बाळा
थिअरीओझे वाहून तू फ़क्त विचारी व्हायचे

-- निलेश जोशी