तक्रार -- एक लघुकथा

ही लघुकथा मी हिंदीमध्ये वाचली होती त्याचे मराठी रूपांतरण इथे लिहितोय
अर्थात फ़क्त मराठी रूपांतरणचे श्रेय माझे आहे
ही कथा आपल्या भारतीय मानासिकतेसाठी लिहिली असावी बहुतेक .....

एक राजा होता आपल्याच दुनियेत मस्त
त्याची प्रजाही खुप सहनशील होती
खुप लोकानी प्रयत्न केला प्रजेला जागे करण्याचा व जे चुकीचे आहे त्याचा विरोध करावा म्हणून प्रजेची एकजुट करण्याचा पण काहीच फरक पडला नाही
राजाने तेलावर कर लादला प्रजेने तो निमुटपणे सहन केला
राजाने आगळे वेगळे कर प्रजेवर लादले पण तेही निमुटपणे सहन केले,एक दिवस राजाने राज्यातील मोठा रस्ता खोदून तिथे पुल बांधायचा निर्णय घेतला त्या जागी खरेतर पुलाची काहीच गरज नव्हती पण याही वेळी या निर्णयाला कोणीच विरोध केला नाही
पुल चालू झाला व यायला जायला तोच रस्ता असल्याने लोक तो पुल वापरू लागले
थोड्या दिवसानी राजाने त्या पुलावर प्रवेश कर बसवला व तो आकारण्यासाठी तिथे आपली माणसे नेमली याही वेळी कोणीच विरोध केला नाही की राजाला जाब विचारला नाही

थोड्या दिवसानी राजाने त्याच्या माणसाना आदेश दिला की त्या पुलावरून जो कोणी जाइल त्याला चार थपडा लगावयाच्या आणि ज्याला त्याविषयी तक्रार असेल त्याने बाजूला ठेवलेल्या तक्रार पेटीत तक्रार लिहून देवू शकता
त्याच दिवसापासून त्याची अमंलबजावणी चालू झाली
एवढा टोकाचा निर्णय अंमलात येवुनही प्रजा गप्पच होती ना कोणीही त्या तक्रार पेटीत कोणी तक्रार लिहून टाकली ना या प्रकाराला विरोध केला
राजा मात्र रोज त्या तक्रार पेटीत कोणी तक्रार लिहितोय का याची रोज विचारणा करायचा पण रोज पेटी रिकामीच मिळायची

एके दिवशी त्या पेटीत एक चिठ्ठी सापडली तेव्हा लगेच ती राजाकडे पोचवण्यात आली
राजाही खुश झाला चला एका माणसाला तरी जाग आली आणि आहे त्या यंत्रणेविरुद्ध तक्रार करायची बुद्धी झाली त्याने चिठ्ठी उघडून वाचायला घेतली त्यात लिहिले होते
"महाराज पुलावर कामाच्या वेळी खुप गर्दी होते तरी कृपया थपडा मारणारया सैनिकात वाढ करा,कमी सैनिकामुळे रोज कामावर जायला उशीर होतो"