यशस्वी

आपण मोठे झाल्यावर मन आठवतय बालपण
आणि बालपणात मात्र हवं असतं मोठेपण

माणुस करतोच असा विचार आगळा वेगळा
जे नसते त्यापाशी तेच करायला लागतो गोळा

बघा ना पैसेवाला करतो खर्च पैसे मिळवायला सुखशान्ति
आणि सुखात असलेला मध्यम वर्ग पैश्यांसाठी खंती

चार चाकी असणारा वजन कमी करायला मारतो चकरा
आणि पायी चालणारा माणूस घेउ इत्छितो चारचाकीचा आसरा

एकूण काय माणूस फ़क्त रडतो काहीच नाही माझ्यापाशी
अरे वेड्या क्षमता आहे तुझ्यापाशी परी तू ओळखायला चुकलासी

हे उमगल्यावर मात्र मी होतो थोडा शहाणा
मोठा झालो असलो तरी करतो बालरुपी बहाणा

असतो मी नेहमीच मशगुल माझ्याच जीवनात
अन प्रत्येक गोष्ट करतो सकारात्मक विचारात

अरे असतीलही त्या गोष्टीची फळेही थोड़ी नकारात्मक
पण ती गोष्ट स्वतः केल्याने ती आता मलाही अवगत

हाच तर आहे यशस्वी जीवनाचा मन्त्र व द्योतक
करीन धाडस धडपड आणि ठरवेन स्वतःला सार्थक

---निलेश जोशी