हिशोब

या जीवनात जगणे महाग झालेय पण मरण स्वस्त झालेय

बॉम्बस्फोट जाळपोळ दंगल यांनी मरणाला सोपा प्रवेश दिलाय

सरकार दिखावा करते आहे जनतेची खुप काळजी घेतेय
दारिद्ररेषेची मर्यादा मात्र दिवसेंदिवस खुप बदलते आहे

मंत्र्याचा कुत्रा मेला तरी शोकसंदेशाचे फलक लावले जाताहेत
उत्तराखंड,लातूर ग्रस्त लोक अजुनही मदतीच्या प्रतिक्षेतचआहेत

सर्वसामान्य जनता आर्थिक विवंचनेने त्रस्त आहेत

सरकार मात्र पाच बारा रुपये जेवणाचे हिशोब मांडत आहे

गृहिणी सहा सिलेंडर कसे पुरवायचे याचा आटापिटा करताहेत

मंत्री लग्नात जेवण हजार की पंधराशे याचे आयोजन करताहेत

दिवसाला तिस रुपये कमावणारा गरीब कसा नाही हे सरकार पटवतेय

स्वत: मात्र संसद भवनात केन्टिनमध्ये जनतेच्या पैश्यावर सूट घेताहेत

दिल्लीच्या मैडम कोणतेही पद नसताना लष्कराची विमाने वापराताहेत

तुम्ही मी मात्र स्वकमाईवरचा कर भरायला रांगेत धडपडतो आहोत

--निलेश जोशी