मजा की काम??

एका बंगल्यात एक कुरूप म्हातारा राहत असतो. आजूबाजूची लहान मुले रोज संध्याकाळी जमून त्याला चिडवत असतात. म्हातारा हुशार असतो. तो सर्व मुलांना बोलावतो. रोज चिडवण्याचे दहा रुपये मिळतील असे वचन देतो. मुलांना मजा वाटते. चिडवण्याचे पैसे ! मग पुढील महिन्यात मुलांना बोलावून दहा रुपयांचे ५ रुपये करण्यात येतात. हळूहळू पाच रुपयांचा एक रुपया होतो. मुलं कंटाळून म्हणतात, ‘एक रुपयासाठी रोज येऊन कोण चिडवणार !’ आधी चिडवायला मजा येत होती. त्याला ‘पैशाचे मोल’ चिकटवल्यावर रोजची मजा आता ‘काम’ वाटू लागली ! कुठलेही काम करताना त्यातली ‘मजा’ टिकवायची असेल तर त्या ‘कामाचे फळ’ कामापासून जितकं लांब ठेवू तितकं चांगलं !