थेंब टपोरा पावसाचा
वाटे मना हवा हवासा
तप्त भूमीवरी थोडासा
शिडकावा मायेचा जसा
थेंब टपोरा पावसाचा
वाफेतुन जन्मा आला
जलचक्र भ्रमण करुनी
अनाहूत पर्यटक जैसा
थेंब टपोरा पावसाचा
जसा किरण अपेक्षांचा
अंत आता पाणीतुटवडा
जलौघ घेउन आला
थेंब टपोरा पावसाचा
ओल्या प्रणयी भावनांचा
अंतरे दुही मनामनातील
क्षणात मिटवांया आला
थेंब टपोरा पावसाचा
अल्लड बालमनाचा
पाणी मस्ती चिखलांचा
ओल्याचिंब अनुभवांचा
थेंब टपोरा पावसाचा
आनंद शेतकरयांचा
पुढल्या वर्षाच्या सोयीसाठी
तरतूद करण्या आला
थेंब टपोरा पावसाचा
अश्रु धरणीमातेचा
मानव दिलेल्या दुखा:चा
हुंदका त्या वेदनांचा
--- निलेश जोशी
No comments:
Post a Comment