अर्पण

पारिजातकाचा सुवास दरवळ
कुंद हवा ही हवेत हिरवळ
थंडी दाटुन येते अंगावर
काटा सरकन फूलते ती लव

थंडी म्हणुनी अंगात स्वेटर
हातात मोजे गळ्यात मफलर
मजेच्या खोट्या सिगारेटचे झुरके
कॅनव्हासच होते काच दवमय

अशावेळी अचानक थबकतो मी
दिसतो एक कुडकुडणारा वृद्ध
हात चोळत थंडी घालवतो तो
शेकोटी पेटवून वातावरण धुरमय

मिटून टाकला स्वेटरचा उबदारपणा
मनातील शहाणपण केले कृतीमय
हुडहुडी असूनही आता मी उबदार
त्याला स्वेटर मफलर केला अर्पण

==निलेश जोशी.