नुसतच कविता लिहिणं - या उपक्रमात माझी कविता

नुसतच कविता लिहिणं

१२७ - नुसतच कविता लिहिणं - या उपक्रमात माझी कविता

मनात स्वतःच्याही नकळत डोकावणं
आतून आलेल्या भावना वहीवर लिहिणं
त्या भावनांना शब्दरूपी कोंदण देणं
सोप्प नाहीये नुसतच कविता लिहिणं

कधीतरी मनाला पडलेला प्रश्न मांडणं
त्या प्रश्नालाही लागू होणारे उत्तर शोधणं
मानसिक द्वंद्वाला नेमक्या शब्दात पकडणं
सोप्प नाहीये नुसतच कविता लिहीणं

विचार मांडत असताना त्यांच्या अधीन न होणं
तोलुन मापून चपखल शब्द निवड करणं
समर्पक अर्थपूर्ण अश्या शब्दात वृत्त बांधणं
सोप्प नाहीये नुसतच कविता लिहिणं

---निलेश जोशी