माझे काही चुकले का ??

"अर्धा किलो भाजी दया मावशी"मी म्हटले
मावशीनी एक दगड ठेवला एका पारड्यात व दुसरया पारड्यात भाजी ठेवू लागल्या
मी म्हटले "मावशी ,हा दगड अर्धा किलोचा आहे कशावरून ??"
"कशावरून म्हणजे मी पुरावा देते ,ए महादु तुझे अर्धा किलोचे मापड़े दे रे ,साहेबाना विश्वास नाय आपल्यावर " असे म्हणून मलाच दोषी ठरवून अर्धा किलोचे माप व तो दगड दोन्ही पारड्यात तोलत तो दगड अर्ध्या किलोपेक्षा कसा जास्त आहे हे मला दाखवले वरून मलाच सुनवले
"साहेब भाजी विकतो पण फसवणार नाही तुम्हाला ,एक टाइम जास्त भाजी गेली तरी चालेल पण ग्राहकाला नाराज नाही करायचा "
"आणि साहेब ही घ्या जास्तीची काकडी , ताई नेतात नेहमी मुलाला आवडते म्हणून पण तुम्ही आज घेतली नाही ,तेव्हा आज माझ्याकडून तुमच्या मुलाला दया "
मी भाजी घेतली काकडी घेतली पैसे दिले व येताना विचार करत होतो

नक्की काय चुकले माझे ?

दगड माप म्हणून योग्य का ??
महादुचे अर्धा किलो माप तरी कैलीब्रेटेड असेल का ??
याबाबत काही नियम आहेत का??
आणि खरच मावशी दोषी नसेल तर फुकट काकडी का दिली ??
मला लाच म्हणून की आपल्याविषयी माझे मत अनुकूल व्हावे म्हणून ??

मला काहीच समजत नाही

तुम्हाला काय वाटते??