तुझे भास पावसाचे

लिहा ओळीवर कविता - भाग ११७ या उपक्रमासाठी माझा प्रयत्न

ओळ - तुझे भास पावसाचे

स्वप्नमय दिस श्रावणाचे
पानांवरील दवबिंदुंचे
मनात अजुनही ताजे
तुझे भास पावसाचे

भास की अनुभव आपले
एकाच छत्रीतुन जाणे
दोघांचेही खांदे भिजलेले
सुखावह येणे पावसाचे

तकलादू छत्री म्हणुनी
बसथाबां आडोसा घेणे
भोवताली माणसे असुनही
आपले एकटेच असणे

पावसा थांबू नको तू
आवडले अवचित येणे
ओठी तिच्या हसू आले
देवून गेले नजराणॆ

पाउस ओसरला अन
आपण चालत निघालो
अजुनी दिसती नेत्री तिच्या
अल्लड भाव पावसाचे

पावसाला कुणी सांगितले
त्याच वेळी कोसळणे
हे तर जगनियंत्याचे
भासे रूप सुत्रधाराचे

----------निलेश जोशी