मुंज सोहळा

झाला मुंज सोहळा आणि स्मृतींचे बांड तयार
गोड,थोडे कटू अनुभव यांची जंत्रीच जणू मनात

सर्वांचीच सुंदर मदत, मोठ्यांचे भरभरून आशीर्वाद
खंबीरपणे नवीन आव्हाने झेलण्या तरुणाईची साथ

सोहळा तीन दिसांचा पण तयारी पूर्ण चार महिन्यांची
जणू अंकुर उमलण्याआधीची केली मशागत भूमीची

शक्यता अशक्यता पडताळून कार्यसिद्धी सज्ज व्हावे
कामांची विभागणी करता नवयुवकांनी लीड घ्यावे

भाऊ बहीणी पुतणे भाचे सगे सोयरे येती मदतीला
प्रत्येकाचा मोलाचा सहभाग नेले कार्य सिद्धीला

धन्यवाद म्हणुनी, सर्वाना मी नाही उतराई होणार
काव्यपंक्ती करुनी अर्पण स्मृत्यात्तर ऋणी राहणार

जुनेच वेध लागती, नवीन कार्याची वाट चालता
स्मृती कितीक लागल्यात खास सापडायला

अजून यायचा आहे छायाचित्र संग्रह क्षणांचा
त्यातून उलगडतील पैलू ,जो दरवळ गत क्षणांचा

अंती करुनी स्वामींना व मोरयाला ह्रदयापासून नमस्कार
बटुसवे उभयता करतो तुम्हाला मनापासून प्रणाम

-- निलेश जोशी