अहिल्या व मतदार

अहिल्या शिळा म्हणे रामाला करी माझा उद्धार
पायधुळ लावावी एकदा उघडी मोक्षाचे दार

आला पतीरुपातील कपटी इंद्र केला अचानक वार
पतीसाम्यामूळे नाही ओळखे भारावले त्याने मज पार

कळता पती गौतमहृषीना , ते कोपले मनातून अपार
पडशील होवूनी शिळा भूवरी शाप निघाला सत्वरा

विनवणी ऐकुनी महर्षिनी उ:शाप दिला, उतरवला भार
अनेक तपानी रामावतारी विष्णु देव करी तुझा उद्धार

रामलक्ष्मण जाताना मिथिला विश्वामित्र सांगे कथासार
रामाने लाविता पाय शीळेला झाला अहिल्येचा उद्धार

नकळत घडता चुक तरीही प्रायच्चित्त भोगले अपार
शिक्षा भोगावी लागली पतिव्रतेलाही कैक वर्षे हजार

या लोकशाहीत पक्ष इंद्रअहिल्या व राम असे मतदार
भोगेल जनताही शाप यातना निवडता चुकीचा उमेदवार

इतिहासातुन शिकवण घ्यावी नाही ते पोथीपुराणसार
योग्य निर्णय घेवुन मतदानाने निवडावा योग्य उमेदवार

निवडून आणू फ़क्त जे करतील आमच्या हिताचा विचार
धावून येतील करण्या मदत,आला भूकंप वा पडली गार

नको खुर्चीचे राजकारण नको जातिपातिचा विचार
पाच वर्षे निचिंत घालवू निवडून देवू योग्य उमेदवार

                                               .....निलेश जोशी