नियोजन

शेतकरी राबतोय शेतात त्याला नाही अनुदान
कर्जमाफ करण्यामागे घोटाळा करण्याचा प्लान
न चुकता कर भरणारया सामान्याला खड्डे प्रदान
अंध जनता सरकार बनवे करून पंचवर्ष मतदान

होता म्हणे भारत देश प्रगत व सोन्याची खाण
राजा महाराजा निभावायाचे प्रजाहिताचे वाण
आधुनिक राज्यकर्त्याना नाही जनहिताची जाण
महान लोकशाही असलेला माझा देश महान

मोकाट सुटले गुन्हेगार त्यानां पोलिसकृपेचे दान
निर्दोष मात्र न्यायासाठी कोर्टात झिजवी वहाण
कायदा वाकतो,त्याला वाकविणारा असे धनवान
कोणत्याही कामासाठी नोटेवरच्या गांधीना मान

घराणेशाही चालू सर्वत्र लोकशाहीची नसे जाण
सर्व पिढ्या ओरबडाण्यात मग्न,लक्ष्य एकबाण
विभाज्य मतांवर सदैव नजर त्याला नाही वाण
त्यासाठी मदरश्यांना विनाआधार अनुदान प्रदान

आपला तो कार्टा दुसरयाच्याला बाब्या संबोधन
कार्ट्याला मोबाइल टेब्लेट आमिषाचे संशोधन
बाब्याला खुश करणं देवून अनुदान,सवलती,धन
निवडणुकीआधीच वार्ड फिक्स करून उत्खन्नन

निवडून दिलेल्या प्रतिनिधिनी जनतेला फसवीणं
प्रत्येक निवडणुकीत नेत्यांच नियोजन अनुभवणं
अंधेर नगरी चौपट राजा ही म्हण खरी करणं
स्वतंत्र भारतात डोळे असूनही आंधळ होणं

---निलेश जोशी