आठवण म्हणजे काय
मनातील कडू गोड साठवण
हळुवार मनाच्या कप्प्यात
जपून ठेवलेले ते क्षणकण
काही गोड वा काही कडू
काही वाटे पुनः अनुभवासे
काही वाटे नको पुनः ते
काही जपून ठेवायचे बंधन
आठवण एक मानसिक प्रवास
मनाच्या हिंदोळ्यावर करण्याचा
आठवण एक स्मरण झूला
ना त्याला वेळ काळाचे बंधन
आठवण करी प्रफुल्लीत मन
कधी देई वेदनांचा अनुभव
कधी दाखवुनी समोरी आरसा
देई आपणा तात्विक शहाणपण
एखादा किस्साही होते आठवण
एखादे स्थळ ही होते आठवण
जूना फ़ोटो वा वस्तु हांतातील
मनात जपलेली क्षणांची साठवण
जपुनी जुन्या गोड आठवणी
जगुया पुनः जोमाने आता
कधीतरी दवडुनी जास्तीचा वेळ
जागवुया पुनः ते जगलेले क्षण
--निलेश जोशी
