जातीचा पिंजरा #निलउवाच

नमस्कार

कालचाच नाते विषय संदर्भात अजुन काही

2 दिवसांपूर्वी महाराष्ट्रात जी काही परिस्थिति होती त्याने खूपच बैचेनी वाढली.त्यात ज्यांना मारामारीची झळ सोसावी लागली त्यातला कोणीच नात्यांचा नव्हता पण माणूस म्हणून माणसाशी जे नाते आहे त्या माणुसकीच्या बंधाने तर आपण नक्कीच बांधलो गेलोय यात कुणाचेच दुमत नसेल. ज्यांनी स्वतःमधील माणुसकी जिवंत ठेवली आहे त्यांना नक्कीच या दोन दिवसात त्रास झाला . आपण रोज जगतानाही कोणाला साधे लागले,खरचटलं तरीही आपल्याला वाईट वाटते इकडे तर जीव जाईपर्यंत मारणे असो किंवा गाड्याची तोडफोड असो . यात नुकसान सामान्य व्यक्तीचेच झालेय व सार्वजनिक मालमत्तेचे जास्त नुकसान झाले ज्यात सामान्य माणसाने भरलेला कर बरबाद झाला. एक मुलाचा व्हिडीओ बऱ्याच लोकांनी बघितलेला असेल जो व्हायरल झालेला ज्यात जेमतेम 10 वर्षाचा मुलगा हातात दगड घेऊन जातोय व जेव्हा त्याला विचारले की दगड कशासाठी तर त्यांना मारायला ज्यांनी आपल्यावर हल्ला केला . खरंच एवढे ज्ञान त्याचे स्वतःचे असेल की त्याला भडकवलेले ,भरवलेले होते?
    उन्माद आणि उत्साह , भडकणे व भडकवणे यातील सीमारेषा खूपच धूसर आहे पण ज्याला ही सीमारेषा समजली ती व्यक्ती समंजस झाली असे आपण म्हणू शकतो . जन्माला माणूस येतो ते तेच सर्व शरीर घेऊन जे इतरांकडेही आहे पण जेव्हा त्याला जातीचे लेबल लागते आणि सगळं घोळ होतो . जीवनावश्यक गोष्टींना जातीचे लेबल लावून विकतो का आपण? ओपेरेशन करणारा डॉक्टर ,मदतनीस नर्स,फायर ब्रिगेडचा माणूस ,रक्तदाता यांची जर जात बघत नसू तर हे लेबल निव्वळ लोकांना भडकवण्यासाठी छापलेला बिल्ला आहे , फक्त नामनिधान , त्यातून ठोस फायदा काहीच नाही.
याउलट देवाने दिलेल्या शरीराचा समाजाला कसा उपयोग होईल असे जगलो तर अनेक जन्म त्या व्यक्तीला लक्षात ठेवतातच . बाबा आमटे याचे सर्वात योग्य उदाहरण म्हणावे लागेल .

ईश्वराने निर्मिताना भेदभाव नाही केला
धरतीने पालन पोषण करताना भेद नाही केला
वृक्षाने प्राणवायूचा पुरवठा सर्वाना एकच केला
नदीने ने पाणी देताना कोण कुठला ना पाहिला

पंचमहाभूताठायी मनुष्य एक समान असता
मनुष्यानेच जातीपातीचा घोळ तयार केला
आरक्षण ,पक्षातूनी स्वतःच गट तयार केला
अमर्याद निसर्ग नाकारून छोटा पिंजरा मान्य केला

सगळ्यांचा आदर करा तुमचा आदर नक्कीच केला जाईल....!!!!!

--- निलेश जोशी (बाबा निलेशानंद)

नाते #निलउवाच

नमस्कार

आजपासून मनाला जो आवडेल तो विषय घेऊन लिहिणार आहे ,
हा झुक्या नेहमी सांगतोय write something ,तेव्हा म्हटलं एवढ्या श्रीमंत माणसाला नाराज नको करायला, नाही का?

आजचा विषय काय बरं घ्यायचा?
नाते

ना "हे" ना "ते" तरीही
आपलेच असते ते नाते
कितीही आपण चुकलो तरीही
सदैव साथ निभावते ते नाते

नाते म्हंटले आपण कोणाचा कोण ,नातेवाईक कसा वगैरे आठवायला लागतो ,पण माणसाचा पुर्वइतिहास लक्षात घेतला तर प्रत्येक भेटणारा माणूस आपला नातलग आहेच.
नाते शब्दाची उत्पत्ती झाली असेल समोरचा माणूस माझा कोण लागतो हे सांगायलाच, मग आई,बाबा,भाऊ ,बहीण ,काका ,मामा ,आजोबा ,
आजी,चुलत,मामे,आते etc etc नाती जन्माला आली . म्हणजेच माणूस खऱ्या अर्थाने सोशल झाला म्हणून नाती जन्माला आली ,बरोबर ना?
नवीन नाती नवीन काळानुसार वृद्धिंगत होताहेत जसे शेजारी ,मित्र ,फेसबुक फ्रेंड ,व्हाट्सअप ग्रुप मेम्बर ,मेंटर ,गाईड ,फिलॉसॉफर आणि बरेच काही . हम दो हमारा एक यामुळे काही नाती काळाच्या ओघात नाहीशीही होत आहेत. कालाय तस्मै नमः

खरं तर शब्दबद्ध करता येत नाही ते म्हणजे नातं असतं..
"नातं" एकाचं कधीच नसतं ,ते दोघांमधले बंध असते.
" नातं " म्हणजे विश्वासाचं द्योतक
नातं म्हणजे प्रेमाचं स्त्रोत असतं
नातं तुझं नसतं ,नातं माझं नसतं नातं आपलं असतं !!,
ज्यावेळी " माझं " "तुझ्या"वर विसम्बनं येतं,
त्यावेळी खरं तर नाते जन्माला येतं.

-- निलेश जोशी

आनंदनाथ महाराज लिखित श्री स्वामी स्तोत्र

ll श्री स्वामी समर्थ जय जय स्वामी समर्थ ll
परब्रह्म परमेश्वर सदगुरू श्री स्वामी समर्थ महाराजांचे अंतरंग शिष्य श्री आनंदनाथ महाराजांनी श्रीस्वामींच्या प्रेरणेने रचिलेले दिव्य “श्रीस्वामीचरित्र स्तोत्र” आपल्यासमोर प्रस्तुत होत आहे.श्री आनंदनाथ महाराजंचे नातू श्रीगुरुनाथबुवा गणपती वालावलकर ( परमपूज्य श्री अण्णा ) ह्यांच्या नित्यउपासनेत त्यांच्याच आजोबांनी रचिलेले श्रीस्वामीचरित्र स्त्रोत्र आणि श्रीगुरुस्तवन स्तोत्र आवर्जून असायचे. ते प्रत्येक भक्ताला हक्काने ही दोन स्तोत्रे म्हणायला सांगत आणि स्तोत्रांच्या दिव्य अनुभूती सुद्धा भक्तांना आल्या आहेत. श्री अण्णांची आजी म्हणजेच श्री आनंदनाथ महाराजांची पत्नी गंगुबाई नेहमी सांगती की गुरुस्तवनमध्ये एवढी ताकद आहे की ते मेलेल्या माणसाला पण जिवंत करेल. 

श्री आनंदनाथ महाराज कृत
ll श्रीस्वामीचरित्र स्तोत्र ll

श्रीगणेशाय नमः ll श्रीस्वामीचरित्रस्तोत्र प्रारंभः ll आधीं नमू श्रीसद्गुरूनाथा ll भक्तवत्सल कृपावंता ll तुजवांचूनि या जगीं त्राता ll अन्य आतां नसेचि ll १ ll अवतार घेतला समर्थ ll नाम शोभे कृपावंत ll पाप जाळूनियां सत्य ll भार उतरिला जगतींचा ll २ ll मूळ स्वरूप निर्गुण ll निराकार नित्य ध्यान ll अघटीत लीला करूनि जाण ll तारिलें जना कौतुकें ll ३ ll म्हणुनि नमन तुझे पायीं ll तुजविण अन्य दाता नाहीं ll विश्वव्यापक तूंच पाहीं ll ध्याती हृदयीं साधुजन ll ४ ll रूपारूपासी वेगळा ll गुणगुणाच्या निराळा ll परी अघटित जगीं कळा ll सूत्र हातीं वागवित ll ५ ll स्वस्वरूपीं निपुण ll सादर कराया जगतीं पालन ll स्वामीनाम सगुण ll उद्धराकारण धरियेलें ll ६ ll तो दिगंबरवेष द्वैतरहित ll दत्तदिगंबर हाची सत्य ll भार उतरावया यथार्थ ll कलियुगीं समर्थ अवतरला ll ७ ll दीन जनांचिया पोटीं ll पाप जाळूनि तारी संकटीं ll नाम जयाचें धरितां कंठीं ll मग सृष्टीं भय नाहीं ll ८ ll ॐ आदिस्वरूपरूपा ll ओंकार निर्गुणरूपा ll जगव्याप्यव्यापककौतुका ll दाखविता सखा तूंचि खरा ll ९ ll कोण करील तुझी स्तुती ll शेष शिणला निश्चितीं ll तेथें मानव बापुडे किती ll अल्पमती निर्धारें ll १० ll सुख करा स्वामीराया ll भक्तवत्सला करुणालया ll जगतारक तुझ्या पायां ll नमन माझें सर्वदा ll ११ ll मी अन्यायी थोर ll परी तूं कृपेचा सागर ll जगतारावया निर्धार ll सगुण अवतार धरियेला ll १२ ll जयजयाजी गुरुनाथा ll भक्तवत्सला समर्था ll तुजवांचूनि अन्य त्राता ll मज आतां पाहतां नसेचि ll १३ ll सर्व सुख सगुण ll अवतार हाचि पूर्णब्रह्म जाण ll जग तारावया कारण ll अवतार जाण धरियेला ll १४ ll अनंत ब्रह्मांडाचा नायक ll तूंचि सखा माझा देख ll तुजवांचूनि अन्य कौतुक ll नको नको मजलागीं ll १५ ll कैसी करावी तुझी स्तुती ll हें मी नेणें बा निश्चितीं ll चरणीं जडो तुझ्या प्रीती ll ऐसें आतां करावें ll १६ ll दीन दयाळा गुरुराया ll भावें वंदिलें तुझ्या पायां ll सोडिली समूळ मोहाची माया ll आतां मज वायां दवडू नको ll १७ ll हें स्तोत्र तुझें लघुस्थिती ll तूंचि बोलविता निश्चितीं ll भक्त तारावया गुरुमूर्ती ll अवतारस्थिती दाविली ll १८ ll दीनवत्सला स्वामिराया ll अगाधतेजा करुणालया ll अघटित जगतीं तव माया ll लीला कौतुक निर्धार ll १९ ll निरंजन स्वरूपरूपा ll विश्वरूपा आदिरुपा ll अक्कलकोटीं दावूनि कौतुका ll जगसुखा राहिला ll २० ll अक्कलकोटीं जरी जन ll अवचित कोणी जातां जाण ll उद्धार तया कारण ll स्वामिकृपें होय खरा ll २१ ll अवधूतवेष निर्धारी ll निर्गुण निराकारी ll तेज पाहतां थरारी ll काळ पोटीं बापुडा ll २२ ll वेदीं रूप वर्णिलें निर्धार ll तैसी लीला दाविली साहाकार ll विश्वविश्वंभर गुरुवर ll सद्गुरूनाथ स्वामी माझा ll २३ ll चरण पाहतां सुकुमार ll कैसें पूजावें निर्धार ll ठेऊनि प्रेम गादीवर ll सत्य सादर पूजावें ll २४ ll प्रेम गंगा यमुना सरस्वती ll सिंधु कावेरी भागीरथी ll तयासी प्रार्थावें निश्चितीं ll स्नानालागीं समर्थाच्या ll २५ ll मन कलश घेऊनि निर्धार ll प्रेम गंगा जलसागर ll स्नान घालूनि उत्तरोत्तर ll पूजन प्रकार करावा ll २६ ll आवडी अक्षता निर्धारीं ll सुमन संगती घेऊनि वरी ll सद्गुरुनाथ पुजावा अंतरी ll प्रेमभरी होऊनियां ll २७ ll भक्तिची ती जाण ll वरी नामाचा चंदन ll शांती केशर मिळवून ll गंध अर्चन समर्थांचे ll २८ ll क्षमा धूप दीप निर्धारीं ll प्रेम नैवेद्य वरी ll भावें समर्पोनि निर्धारीं ll सद्गदित अंतरीं होऊनियां ll २९ ll क्रोध कापूर जाळावा ll प्रेमें स्वामी आळवावा ll आवडीचा तो ध्यानीं पहावा ll शुद्ध चित्त करूनियां ll ३० ll ऐसी पूजा झालियावरी ll मग प्रार्थावा निजांतरी ll हृदयीं उठती प्रेमलहरी ll ऐशापरी आळवावा ll ३१ ll जयजयाजी गुरुराया ll जयजयाजी करुणालया ll भक्ता दाउनियां पायां ll भवभया निवारिलें ll ३२ ll जयजयाजी अनंतरूपा ll जयजयाजी आदिरुपा ll चुकवा चुकवा जन्मखेपा ll मार्ग सोपा दाऊनियां ll ३३ ll जयजयाजी त्रिगुणा ll जयजयाजी अवतार सगुणा ll पुरवावया मनकामना ll जनीं वनीं फिरीयेला ll ३४ ll जयजयाजी दिगंबरा ll जयजयाजी सर्वेश्वरा ll मज सांभाळा लेंकरा ll तुजविण आसरा नाहीं नाहीं ll ३५ ll जयजयाजी समर्था ll स्वामिराया कृपावंता ll ll तुजविण आम्हां त्राता ll नाहीं नाहीं जगत्रयीं ll ३६ ll शुद्धतेजा तेजरुपा ll दिव्य स्वस्वरूपा ll चुकवा चुकवा जन्म खेपा ll आदिरुपा जगद्गुरू ll ३७ ll जयजयाजी यतिरुपा ll जयजयाजी अघटित स्वरूपा ll निर्गुण सगुणरूपा ll सच्चिदानंद जगद्गुरू ll ३८ ll जयजयाजी त्रिगुणरहिता ll जयजयाजी त्रिदोषहारका ll जयजयाजी ब्रह्मांडनायका ll निजभक्त सख्या स्वामिराया ll ३९ ll जयजयाजी दत्तात्रेया ll जयजयाजी करुणालया ll जयजयाजी विश्वमाया ll संशयभयहारका स्वामिराया ll ४० ll जयजयाजी आनंदविलासा ll जयजयाजी पापतमनाशा ll जयजयाजी अवधूतवेषा ll भवभयपाश निवारका ll ४१ ll जयजयाजी निजभक्तपालका ll जयजयाजी विश्वव्यापका ll निज दासासि सखा ll कलियुगीं देखा तूं एक ll ४२ ll जयजयाजी विराटस्वरूपा ll जयजयाजी आदिरूपरूपा ll जयजयाजी विश्वव्याप्यव्यापका ll मायबापा गुरुराया ll ४३ ll त्रिलोकीं तूं समर्थ ll अवतार तुझाचि यथार्थ ll तारक भक्तांलागीं सत्य ll दैवीरूप दाऊनि ll ४४ ll तूं पूर्णब्रह्म जाण ll निर्विकार निर्गुण ll निरंजनी सदा ध्यान ll लीला कौतुक दाविलें ll ४५ ll तेज पाहतां थरारे ll कली मनीं सदा झुरे ll विश्वव्यापक व्यापूनि उरे ll तारक खरे पतितासी ll ४६ ll तुजविण आणिक आधार नाहीं ll कलियुगीं दुजा आम्हां पाहीं ll सद्गुरुनाथ तूंचि खरा तोही ll अवताररूपें नटलासी ll ४७ ll लीला दाविली अगाध ll शेषा न करवे त्याचा शोध ll जें तुम्ही केलें विविध ll ज्ञानरूपें जाणविलें ll ४८ ll अक्कलकोटमहापुरीं ll वास केला निर्धारीं ll पवित्रक्षेत्र करूनि तारी ll पाय ठेऊनि जगतासी ll ४९ ll तरी जनीं सत्य आतां ll अक्कलकोटीं जावें तत्वतां ll हित साधावया यथार्थ ll पवित्र भूमी पैं केली ll ५० ll हें वचन निर्धार ll समर्थांचें असे साचार ll बोल बोलवितां उत्तर ll स्वामी माझा निर्धारीं ll ५१ ll अक्कलकोटीं करितां अनुष्ठान ll हें स्तोत्र वाचितां एक मास तेरा दिन ll शुद्ध चित्त करून ll ध्यान सदा समर्थांचें ll ५२ ll भिक्षान्न निर्धारीं ll पवित्र राहे सदा अंतरी ll षण्मास वाचितां तरी ll महाव्याधी दूर होय ll ५३ ll एक संवत्सर अनुष्ठान ll वटछायेसी करितां जाण ll तयासी होईल पुत्र संतान ll वचन सत्य समर्थांचें ll ५४ ll तेरा मासी जोडे धन ll चतुर्दश मासीं लक्ष्मीवंत जाण ll प्रेमभावें करितां अनुष्ठान ll सत्य वचन निर्धार ll ५५ ll वटपूजा आवडी पूर्ण ll तेथेंचि पादुका स्थापून ll प्रेमभावें करितां अनुष्ठान ll मनोरथ पूर्ण होतील ll ५६ ll कलियुगीं तारक निर्धारीं ll स्वामी माझा सगुण अवतारी ll जग तारावया निर्धारीं ll सृष्टीवरीं पैं आला ll ५७ ll तरी सादर सादर मन ll ठेऊनि वंदा आतां चरण ll पुढें न मिळे ऐसें निधान ll मायाबंधन तोडावया ll ५८ ll नाम घेतां निर्धारीं ll स्वामी माझा कैवारी ll भवामाजीं पार करी ll वचन निर्धारीं सत्य हो ll ५९ ll आनंद म्हणे तरी आतां ll स्वामीराया जी समर्था ll भक्तवत्सला कृपावंता ll वाचितां जगव्यथा चुकवावी ll ६० ll हाच देऊनि प्रथम वर ll भक्तिपंथ वाढवावा निर्धार ll आणिक काहीं मागणें साचार ll तुजपाशीं दयाळा ll ६१ ll परोपकार हाचि एक ll तुझ्या नामें तारावे लोक ll आणिक मागणें तें कौतुक ll नाहीं नाहीं सर्वथा ll ६२ ll विश्व विश्वाकारी ll विश्वरूप तूंचि निर्धारीं ll चालविता तुजविण तरी ll कोण आहे दयाळा ll ६३ ll तूंचि सर्व सुखदायक ll तूंचि कृपा नायक ll तुजवांचूनि जगा तारक ll नाहीं कोणी सर्वथा ll ६४ ll आतां न करीं निष्ठुर चित्ता ll माय जाणे बालकाची व्यथा ll तुजवांचूनि अन्य सर्वथा ll माय दुजी न जाणो ll ६५ ll तूंचि मातापिता सर्वेश्वरू ll जगतारक जगदगुरू ll नको नको अव्हेरुं लेंकरुं ll दीना उदारु तूं एक ll ६६ ll दीनदयाघन नाम ll तुमचें असे हो उत्तम ll जग तारावया कारण ll स्वामी समर्थ धरियेलें ll ६७ ll महापूर बोरी पायीं उतरला ll मैदार्गीहुनी येतां सोहळा देखिला ll अक्कलकोटस्थ जनीं डोळां पाहिला ll अघटित लीला समर्थांची ll ६८ ll प्रेम उंदीर सजीव केला ll मुक्यासी वाचा देऊनि बोलविला ll अंधासी रत्नें पारखविला ll अघटित लीला जगीं तुझी ll ६९ ll अघटित केलें चमत्कार ll किती लिहावे साचार ll ग्रंथ वाढेल निर्धार ll या भेणें सादर लेखणी आवरिली ll ७० ll स्वामीचरित्र ग्रंथ निर्धार ll पुढें स्वामिराज बोलवील सादर ll भक्त तारावया निर्धार ll कली जोर मोडोनियां ll ७१ ll म्हणुनियां आतां लघुचरित्र ll स्वामी नाम नामाचें स्तोत्र ll जग तारावया पवित्र ll लघुस्तोत्र वर्णिलें ll ७२ ll अक्कलकोटीं बहु लीला ll ज्याणें दाखविली अघटित कळा ll कोटीमदनमदनाचा पुतळा ll स्वरुपीं जयाच्या तुळेना ll ७३ ll बहु वर्षें एकभूमी वस्ती ll एक विचार एक स्थिती ll अघटित रूप तें निश्चितीं ll जगतालागीं तारावया ll ७४ ll हे निर्जीव पाटावरी ll पादुका उठल्या कलिमाझारी ll अजूनि भुली कैशी जगांतरी ll तरणोपाया चुकती हे ll ७५ ll नाम घेतां प्रेमभरीं ll हृदय शुद्ध आधीं करीं ll दया ठेऊनि अंतरीं ll वाच निर्धारीं स्वामिलीले ll ७६ ll स्वामिपादुकापूजन ll नामस्तोत्र भजन ll तेणें वंश उद्धरे जाण ll कलीमाझारी निर्धार ll ७७ ll म्हणुनियां आतां ll स्वामिनाम आठवावें सर्वथा ll तयावीण अन्य वार्ता ll तारक नाहीं जगांत ll ७८ ll अहा सुंदरस्वरूपनिधान ll अहा भक्तवत्सल अगम्य ध्यान ll सच्चिदानंद आनंदघन ll स्वामी माझा दयाळू ll ७९ ll या प्रपंचमोहाचे काठीं ll बुडोनियां जातां रे निकटी ll तुम्हां तरावया सुलभ गोष्टी ll स्वामिनाम पोटीं धरा ll ८० ll स्वामिनामाचा प्रताप ll पाप जाळूनि करी राख ll अपूर्व दाविलें कौतुक ll कलीमाजी तरावया ll ८१ ll तरी आतां शुद्ध करूनि मन ll हेंचि जाण संध्यास्नान ll दया क्षमा शांती पूर्ण ll गुणवर्णन समर्थांचें ll ८२ ll खोट्याचा जाणूनि पसारा ll तोडीं तोडीं मायेच्या व्यवहारा ll न भुले ह्या दुर्गतीच्या बाजारा ll मोहपसारा दूर करोनी ll ८३ ll मूळबिंदु हा प्रमाण ll तेथोनि वाढविता कोण ll कोणी केलें हो रक्षण ll पिंडालागीं जाण पां ll ८४ ll कैंची माया कैंसा मोह ll कोठें आहे तुझा ठाव ll तो आधीं शोधुनी पहा हो ll भुलू नको मानवा ll ८५ ll मूळ बिंदुरूप प्रमाण ll देह झाला बीजा कारण ll वाढवोनि करचरण ll दीनानाथें अर्पिले ll ८६ ll तेथें झाली जीवशिवाची वस्ती ll तीन गुण गुणांची प्राप्ती ll सहा विकारांची स्थिती ll मायेसंगती खेळोनिया ll ८७ ll दया क्षमा शांती विचार ll विवेक ज्ञान जागृतीसार ll अविद्येची गती निर्धार ll सोडोनि भवपार करीतसे ll ८८ ll धरितां स्वामी नावाची आवडी ll घेतां भवामाजीं घाली उडी ll नेवोनि भक्तां पैलथडी ll पार करी दयाळू ll ८९ ll नाम जगीं तारक ll काय सांगू नामाचें कौतुक ll नामें तारिले कितीएक ll महापापी कलियुगीं ll ९० ll नाम घेतां संकट हरे ll वारी केल्या पाप सरे ll सेवा करितां भवांत तरे ll चुकती फेरे चौऱ्यांशीचें ll ९१ ll अक्कलकोटीं न जातां तरी ll वटछायेसी अनुष्ठान करी ll तयासीं तारक निर्धारीं ll दृष्टांतरूपें स्वामी माझा ll ९२ ll स्वामींची मूर्ति मनोहर ll प्रेमें घेऊनि अयन्यावर ll भावें मांडोनि गादीवर ll पूजन करावें प्रेमभावें ll ९३ ll भजनपूजनाच्या रीती ll कलीमाजीं जग उद्धरती ll प्रेम ठेउनियां चित्तीं ll स्वामी कृपामूर्ति आठवावा ll ९४ ll काय न करी श्रीगुरुनाथ ll सत्य होती शरणांगत ll भक्ततारक अवतार समर्थ ll कलियुगीं यथार्थ अवतरला ll ९५ ll विश्वव्यापक विश्वंभरू ll त्यासी कैंची समाधी निर्धारु ll जगीं जगप्रकार दाखवणें साचारु ll लीला थोरु समर्थांची ll ९६ ll द्वैत नाहीं तिळभरी ll आशा कैंची अंतरीं ll योगमाया दवडिली दुरी ll अवतार निर्धारीं स्वामी माझा ll ९७ ll भक्तांकारणे अक्कलकोटीं ll वास केला हो निकटी ll पाय दाऊनियां सृष्टीं ll पतित उद्धार करविला ll ९८ ll अघटित कळा अघटित लीला ll पूर्णतेज तेजाचा पुतळा ll अगम्य ज्याची अवतार लीला ll कलीचा सोहळा मोडावया ll ९९ ll तरी नामाची संगती ll प्रेम ठेउनी सदा चित्तीं ll स्वामी आठवा दिवसरात्रीं ll भवामाजी तरावया ll १०० ll स्वामीनामाचा सोहळा ll धाक पडे कलीकाळा ll निजदासासी सांभाळी वेळोवेळां ll अवतार सोहळा करूनियां ll १०१ ll कलीमाजी तारक ll भक्तासी एकचि नाम देख ll स्वामीरायाविण कौतुक ll आणिक नको सर्वथा ll १०२ ll स्वामीनामाचें कीर्तन ll सप्रेमें पादुकापूजन ll करितां कलीमाजी जाण ll जन उद्धरे निर्धारें ll १०३ ll स्वामीपंथ तारक ll भव नाशील हा सत्य देख ll कलीमाजीं जगतारक ll परमसुखदायक उद्भवला ll १०४ ll म्हणुनि जनीं आपुल्या हिता ll शरण जावें श्रीगुरूनाथा ll मुखीं धरोनि स्वामीवार्ता ll जन्मव्यथा चुकवावी ll १०५ ll ऐसी भुललिया सोय ll पुढें नाहीं रें उपाय ll भवाचा हा भय ll दूर कराया निर्धारीं ll १०६ ll तरी सुंदर मानवाची काया ll नेवोनि लावा स्वामिपाया ll सुखें निवारा भवभया ll मोहमाया तोडोनियां ll १०७ ll समर्थें दिधलें अभय वचन ll जो हें स्तोत्र करील पठण ll तयाचे मनोरथ पूर्ण ll होतील जाण मज कृपें ll १०८ ll येथें धरितां संशय ll तयासी भवामाजी भय ll पुढें नाहीं ऐशी सोय ll सत्य सत्य त्रिवाचा ll १०९ ll हें लघुस्तोत्र समर्थांचें ll मनोभावें करितां पठण याचें ll अर्थ पूर्ण होतील अर्थिकांचे ll परमार्थकांसी मोक्षपद ll ११० ll आनंद  म्हणे तरीं आतां ll स्वामिचरणीं ठेऊनि प्रीति सर्वथा ll प्रेमभावें स्तोत्र गातां ll मोक्ष हातां येईल ll १११ ll इति श्रीस्वामी प्रार्थनास्तोत्र ll हें जगतारक पवित्र ll जपामाजीं महामंत्र ll अर्थ सादर पुरवावया ll ११२ ll इति श्रीगुरुस्वामिचरणारविंदापर्णमस्तु ll राजाधिराज योगीराज श्रीस्वामी समर्थ महाराजकी जय ll श्रीरस्तु ll शुभंभवतु ll

सली चित्रपट

Sully - चित्रपट परीक्षण

जर तुम्हाला समुद्रात किंवा नदीत उतरलेलं विमान दिसत असेल तर तुमची प्रतिक्रिया काय असेल? नक्कीच तुम्हाला ते दृश्य पाहून आश्चर्य वाटेल!

15 जानेवारी 2009 रोजी जगभर काहीतरी असेच घडले. "1549" नावाच्या प्लेन मध्ये यूएस एअरवेज आणि त्याचा पायलट सेली आणि त्याचा सहायक पायलट जेफ्री यानी एक अद्भुत काम करुन दाखवले.

15 जानेवारी 2009 रोजी, दररोज प्रमाणे लॉगर्डिया ते शार्लोट मार्गावरील विमान उडायला तयार झाले. विमानाशी संबंधित प्रत्येक चौकशी पूर्ण झाली. विमान उडण्यासाठी तयार होते. एयरपोर्टवरुन हिरवा सिग्नल मिळाला. दुपारी सुमारे तीन वाजलेलं घड्याळ. सर्व प्रवासी त्यांच्या जागेवर बसले होते.
विमानाचे प्रवास दोन तास होता. सर्व प्रवाशांना फक्त फ्लाइटची प्रतीक्षा होती. तर एकदाचे विमान उडले. प्रत्येकाच्या चेहऱ्यावर एक आरामदायी शांतता होती त्यांना खात्री होती की ते आपल्या गंतव्यस्थानी वेळोवेळी पोहोचतील. हे विमान तीन ते चार मिनिटांच्या अंतराने उडत होते. आणि अचानक अनेक पक्षी विमानाच्या दिशेने आले. काही कळायच्या आतच विमानाच्या दोन्ही बाजूंच्या इंजिनामध्ये काही पक्षी जातात त्या धकयाने इंजिन आगीच्या ज्वाळांनी वेढले.
थोड्याच काळात सेली आणि त्यांच्या सहवैमानिकांना हे देखील कळते की त्यांचे दोन्ही इंजिन्स कार्यरत नाहीत. प्रवाशांच्या मते विमानात शांतता होती. इंजिनमधून येणारे आवाज देखील बंद होते. प्रवाश्यांना हे लक्षात आले की काहीतरी आवाज येत आहे, पण ते काय होते? यापैकी काहीच माहीत नाही. इंजिन बंद झाल्यानंतर विमान हवेत होते. ते वेगाने वर चढत होते. वास्तविक समस्या विमान 3,000 पेक्षा अधिक फूट वर जाऊ शकत नाही. त्या वेळी सलीने कंट्रोल रूमवर टेलिफोन केले आणि त्याबद्दल त्यांना माहिती दिली की विमान क्र 1539 मधील दोन्ही इंजिन नष्ट झाले आहेत. आम्ही परत लॉगर्डियाकडे जात आहोत.

हवाई वाहतूक नियंत्रक पॅट्रिकने लगेच 1549 मध्ये विमान कधी धावपट्टी क्रमांक 13 लँडिंग करण्यासाठी येऊ शकते, या Logardia सर्व उड्डाणे मागे आदेश दिले होते. चॅसेलीने विमानतळावरील जमिनीचा विचार केला. कंट्रोलरनेही परवानगी दिली, परंतु नंतर चॅसेलीने ते नाकारले. सेली म्हणाले की 'एयरपोर्ट पर्यन्त येण्याचा वेळ नही व आम्ही हडसन नदीवर लैंडिंग करतो.

हडसन ही एक नदी आहे जी न्यू यॉर्क पासुन न्यू जर्सीपर्यंत जाते. त्या नदीवर सर्व कौशल्य पणाला लावून सलीने विमान सुखरूप लँड केले व सर्व 155 प्रवासी कोणतीही इजा ना होता बाहेर येतात.
पूर्ण चित्रपट फ्लॅशबॅक पद्धतीने  उलगडतो ,त्यात सली ला आलेले टेन्शन ,त्याला चौकशी समितीने दोषी ठरवणे ,एअर बस कंपनीच्या कंप्युटर सिमुलेशन नुसार नदीवर लँडिंग ना करता विमानतळावर लँडिंग करणे पोसीबल होते . या नंतर एक रात्रीत सली जो हिरो होतो त्याविषयी सर्वांचे मत बदलायला चालू होते . त्याचे त्याच्या को पायलट बरोबरचे संवाद ,त्याच्या बायकोबरोबरचे संवाद एकदम लाजबाब

शेवटच्या कोर्ट प्रसंगात सलीने समजावलेले डायलॉग व सिमुलेशनला केले चॅलेंज एकदम लाजबाब

एकदम सत्य घटनेवरचा व बघावाच असा चित्रपट
sully

भगवंताची करणी

पारंपरिक अभंग

अधांतरी हे झुले नभांगण
शेष फणावरी धरणी
सारी भगवंताची करणी

लक्ष्मीसाठी घर दैवाचे
उंच बांधुनी देतो
गरिबांसाठी गरीब होऊनी
झोपडीतही रमतो
पतीतासंगे पतित होऊनी
चालतसे अनवाणी
सारी भगवंताची करणी

समुद्रा जरी अथांगपाणी
तहान शमवी श्रावण धार
अन्नब्रम्ह ते अखंड घेते
काळ्या मातीतून अवतार
जगण्यासाठी जरी मानवा
लाग प्रभूच्या चरणी
सारी भगवंताची करणी

हेरंब मिसळ

आम्हाला हेरंब उपहारगृह सुरू करून जवळजवळ ७ वर्ष झाली. आपण ही येथे अवश्य भेट द्यावी. आपले स्वागत आहे.....आमचा पत्ता १४५०, मातृमंदिर अपार्टमेंट, शुक्रवार पेठ, जनता बँक मुख्य शाखा बाजीराव रोड जवळ, शेवडे गल्ली, बँक ऑफ इंडिया शनिपार शाखेच्या समोर, पुणे ४११००२.

विपश्यना मंगल गीत मराठीत

ना कोणाची हत्या आम्ही करू कधी
ना कोणाची चोरी आम्ही करू कधी
ना कोणाशी खोटे आम्ही बोलू कधी
ना कोणाला कटू आम्ही बोलू कधी
ना कोणाशी वाईट आम्ही बोलू कधी

आम्ही नेहमी सत्याचे पालन करू
आम्ही नेहमी पापापासून दूर राहू
आम्ही नेहमी शिलाचे पालन करू
आम्ही नेहमी मनाला ताब्यात ठेवू
आम्ही नेहमी हे चित्त निर्मळ ठेवू

वंदन माता पित्याना नित्य करू
वंदन गुरुजनांना नित्य करू
आम्ही नेहमीच सत्याचे पालन करू
आम्ही नेहमीच पापापासून दूर राहू

शिबिरार्थीला सप्रेम भेट
--मराठीकरण निलेश जोशी